Melbourne / Great Ocean Road
14/12/12 20:28
Hi everyone!
Wow Melbourne und Great Ocean Road sind eifach Genial gsi!!! Wenn iär mal uf Australiä gend: It’s worth!!! (Äs isches wärt!!!)
Ich bi am Dsiischtig Morge vum Airport Proserpine nach Melbourne gflogä. Am Morgä am halbi 7ni hani miässä ufä Shuttle-Bus gah wo mich vum Backpackers a Airport bracht het. Da miär am Abig dervor nu än After-Boat-Party gha hend und irgendwiä bis am morgä am 2 oder 3 det gsi sind, bi ich ai dem entsprechend miäd gsi. Aber wer Party machä chan, chan ja bekanntlich ai schaffä gäll ;) Uf jedäfall bini denn nach 4 Stund fliigä ändlich z Melbourne acho! Als erschts hani denn mal än chliinä Kulturschock gha. Sicher eppä 50 Taxis uf einisch sind bim Airport gstandä und numal eppä gliich vil Büs und Tram. Da ich kei ahnig gha ha mit wellem Bus oder Tram ich wo anä chumä hani denn äs Taxi zu mim Backpackers gnu.
Meine Fresse isch das äs geils Backpackers gsi!!! Äs het än Lounge-Room, än Fitness-Room, än Movie-Room (Kino), än Rooftop mit riisä Üssicht und äs JACUZZI!!! gha!!! Aso wirklich der hammer! Nachdem ich det acho bi, hani mal irgendwo eppis z ässä gsuächt. Ich bi denn usem Backpackers üsä und mal eifach irgend inä Richtig gluffä. Eppä än halb Stund oder so. Denn hets mich agschissä, will allnä Ortä nur Restaurant gsi sind. Nit 1 Mc Donalds oder Subway oder so! De hani wider kehrt und bi mal i diä ander richtig gluffä. Wiä ich denn festgstellt han, isch d City äbä i diä ander Richtig gsi. Det hani denn doch än Subway gfunde :D Nach dem bini i miis Zimmer und bi gah schlafä, will ich vu dem nit grad wirklich vil bercho ha dervor.
Am negschtä Tag bini denn irgendwenn am 12i üfgstandä, ha mich parat gmacht und bi eifach mal chli id Stadt gah umä laifä. Da ich nu ha miässä wäschä, bi ich nu Wäschmittel und so Sachä gah poschtä. Wiä scho gseit ich bi chli umä gluffä und ha d Stadt chli agluägt. Melbourne isch miär nu sympathisch gsi, will vili Hüser sind imenä älterä Stiil gmacht. Das hani wirklich super gfundä. Natiirlich hets ai vili Hochhüser gha, wo voll modern gmacht wordä sind (vil Glas :)) aber ich glaibä z meischtä isch wirklich i dem altä Stiil gmacht gsi. Nach dem bini denn wiä obä scho erwähnt gah wäschä gangä und denn gah schlafä.
Am nächschtä Tag hani denn friäh üf miässä, will ich än Day-Trip zur Great Ocean Road gmacht han. Morgens um 6.00 Uhr AM üfstah, parat machä und denn inä chliinä Bus innä sitzä zum mal so chli 300 km zu dä 12 Apostels gfahrä. Ufem wäg dert anä hemmer natiirlich nu ganz vil anderi Sachä gseh. Under anderem hemmer ader Great Ocean Road gstoppet zum äs paar Photos z machä, einisch hemmer chennä ga Vögel füätterä (glaibed miär, diä Vögel sind crazy gsi! Photos folgenl…), denn simmer inä Rägäwald gfahrä, einisch simmer durnä Wald gfahrä, wos uberall Koalas idä Bäim ghängt hend (KOAAAAAALLLLAAAAASSSSS!!!!!!) und zum Schluss bevor miär denn zu dä 12 Apostels cho sind, simmer nu än Liichtturm gah aluägä. After that hemmers denn ändlich zu dä 12 Apostels gschafft und äs isch wirklich amazing gsi! HIghly recommended! Fötäli gsehnt iär uf der Foto-Siitä „Trips“. Nacher hemmer denn nu bimenä Ship-Wreck gstoppet, wobii mä nur z Meer gseh het und keis Wreck. Z alleri letscht simmer nu d London-Bridge gah aluägä und denn hei gfahrä. Daheimä bin ich eppä afengs am halbi 10ni am abig gsi. Dementsprechend ai uf der Frässi und sofort gah schlafä. Aber der Tag isch wirklich super gsi! :) Falls iär z Australiä sind und vorigs Ziit hend und nit wissed was machä: Great Ocean Road isch sehr empfählenswärt :)
Next day hani denn än City Sight Tour buächet, da ich nur 3 Täg z Melbourne gsi bi. Das heisst ich ha innerhalb vu 4 - 5 Stund gaanz Melbourne gseh. Diä Tour het miär persönlich jetzt nit so passed. Klaar het mä wirklich verdammt vil gseh und der Tour Guide isch ai wirklich super gsi und het vil gwisst z verzellä, aber na ja. Isch halt immer alles so chli verbii fahrä gsi, will miär i somenä riisigä Bus gsi sind. Vil anders hätti ai eigentlich nit chennä erwartä. Aber wenigschtens chani jetzt sägä, dass ich ganz Melbourne mal gseh ha :) Nach dem bini denn wider chli ider Stadt umä gluffä und nu chli gah Souvenirs poschtä. :) Nit wirklich vil mussi sägä, will ich derf äbä uf derä Tour wo ich mich jetzt grad befindä nur 15 kg Gepäck mitnäh und ja, ha mich drum miässä in Gränzä haltä mit shoppä :) Aber wartet nur bis ich ds Sydney bi!!! 1 Tag nachdem ich dert bi wird ider Ziitig stah: „Touristin kauft Sydney leer! Die Story und wie Betroffene das ganze erlebt haben.“ ;) We will see.
Ja und jetzt wäremer da wo ich jetzt grad bi: Imenä chliinä Bus, uf mim 3-Day-Trip mitten in Australien. :) Nur nu 7 Days und denn heissts: Goodbye Australia, I will miss you! Aber ich bi ai froh wenn ich ändlich mini Liit wider gseh!
I dem Sinn: Machets guät und see you later!
Lindi :)
Wow Melbourne und Great Ocean Road sind eifach Genial gsi!!! Wenn iär mal uf Australiä gend: It’s worth!!! (Äs isches wärt!!!)
Ich bi am Dsiischtig Morge vum Airport Proserpine nach Melbourne gflogä. Am Morgä am halbi 7ni hani miässä ufä Shuttle-Bus gah wo mich vum Backpackers a Airport bracht het. Da miär am Abig dervor nu än After-Boat-Party gha hend und irgendwiä bis am morgä am 2 oder 3 det gsi sind, bi ich ai dem entsprechend miäd gsi. Aber wer Party machä chan, chan ja bekanntlich ai schaffä gäll ;) Uf jedäfall bini denn nach 4 Stund fliigä ändlich z Melbourne acho! Als erschts hani denn mal än chliinä Kulturschock gha. Sicher eppä 50 Taxis uf einisch sind bim Airport gstandä und numal eppä gliich vil Büs und Tram. Da ich kei ahnig gha ha mit wellem Bus oder Tram ich wo anä chumä hani denn äs Taxi zu mim Backpackers gnu.
Meine Fresse isch das äs geils Backpackers gsi!!! Äs het än Lounge-Room, än Fitness-Room, än Movie-Room (Kino), än Rooftop mit riisä Üssicht und äs JACUZZI!!! gha!!! Aso wirklich der hammer! Nachdem ich det acho bi, hani mal irgendwo eppis z ässä gsuächt. Ich bi denn usem Backpackers üsä und mal eifach irgend inä Richtig gluffä. Eppä än halb Stund oder so. Denn hets mich agschissä, will allnä Ortä nur Restaurant gsi sind. Nit 1 Mc Donalds oder Subway oder so! De hani wider kehrt und bi mal i diä ander richtig gluffä. Wiä ich denn festgstellt han, isch d City äbä i diä ander Richtig gsi. Det hani denn doch än Subway gfunde :D Nach dem bini i miis Zimmer und bi gah schlafä, will ich vu dem nit grad wirklich vil bercho ha dervor.
Am negschtä Tag bini denn irgendwenn am 12i üfgstandä, ha mich parat gmacht und bi eifach mal chli id Stadt gah umä laifä. Da ich nu ha miässä wäschä, bi ich nu Wäschmittel und so Sachä gah poschtä. Wiä scho gseit ich bi chli umä gluffä und ha d Stadt chli agluägt. Melbourne isch miär nu sympathisch gsi, will vili Hüser sind imenä älterä Stiil gmacht. Das hani wirklich super gfundä. Natiirlich hets ai vili Hochhüser gha, wo voll modern gmacht wordä sind (vil Glas :)) aber ich glaibä z meischtä isch wirklich i dem altä Stiil gmacht gsi. Nach dem bini denn wiä obä scho erwähnt gah wäschä gangä und denn gah schlafä.
Am nächschtä Tag hani denn friäh üf miässä, will ich än Day-Trip zur Great Ocean Road gmacht han. Morgens um 6.00 Uhr AM üfstah, parat machä und denn inä chliinä Bus innä sitzä zum mal so chli 300 km zu dä 12 Apostels gfahrä. Ufem wäg dert anä hemmer natiirlich nu ganz vil anderi Sachä gseh. Under anderem hemmer ader Great Ocean Road gstoppet zum äs paar Photos z machä, einisch hemmer chennä ga Vögel füätterä (glaibed miär, diä Vögel sind crazy gsi! Photos folgenl…), denn simmer inä Rägäwald gfahrä, einisch simmer durnä Wald gfahrä, wos uberall Koalas idä Bäim ghängt hend (KOAAAAAALLLLAAAAASSSSS!!!!!!) und zum Schluss bevor miär denn zu dä 12 Apostels cho sind, simmer nu än Liichtturm gah aluägä. After that hemmers denn ändlich zu dä 12 Apostels gschafft und äs isch wirklich amazing gsi! HIghly recommended! Fötäli gsehnt iär uf der Foto-Siitä „Trips“. Nacher hemmer denn nu bimenä Ship-Wreck gstoppet, wobii mä nur z Meer gseh het und keis Wreck. Z alleri letscht simmer nu d London-Bridge gah aluägä und denn hei gfahrä. Daheimä bin ich eppä afengs am halbi 10ni am abig gsi. Dementsprechend ai uf der Frässi und sofort gah schlafä. Aber der Tag isch wirklich super gsi! :) Falls iär z Australiä sind und vorigs Ziit hend und nit wissed was machä: Great Ocean Road isch sehr empfählenswärt :)
Next day hani denn än City Sight Tour buächet, da ich nur 3 Täg z Melbourne gsi bi. Das heisst ich ha innerhalb vu 4 - 5 Stund gaanz Melbourne gseh. Diä Tour het miär persönlich jetzt nit so passed. Klaar het mä wirklich verdammt vil gseh und der Tour Guide isch ai wirklich super gsi und het vil gwisst z verzellä, aber na ja. Isch halt immer alles so chli verbii fahrä gsi, will miär i somenä riisigä Bus gsi sind. Vil anders hätti ai eigentlich nit chennä erwartä. Aber wenigschtens chani jetzt sägä, dass ich ganz Melbourne mal gseh ha :) Nach dem bini denn wider chli ider Stadt umä gluffä und nu chli gah Souvenirs poschtä. :) Nit wirklich vil mussi sägä, will ich derf äbä uf derä Tour wo ich mich jetzt grad befindä nur 15 kg Gepäck mitnäh und ja, ha mich drum miässä in Gränzä haltä mit shoppä :) Aber wartet nur bis ich ds Sydney bi!!! 1 Tag nachdem ich dert bi wird ider Ziitig stah: „Touristin kauft Sydney leer! Die Story und wie Betroffene das ganze erlebt haben.“ ;) We will see.
Ja und jetzt wäremer da wo ich jetzt grad bi: Imenä chliinä Bus, uf mim 3-Day-Trip mitten in Australien. :) Nur nu 7 Days und denn heissts: Goodbye Australia, I will miss you! Aber ich bi ai froh wenn ich ändlich mini Liit wider gseh!
I dem Sinn: Machets guät und see you later!
Lindi :)