Hey how!!!

SCHO D HÄLFTI DURÄ!!! Shit isch diä Ziit schnell vergangä! Numal solang und denn heissts de ändlich „Travelling through Australia!“

Also hier ein kleines Öpdeit:

Zersch mal ähm diä vorletscht Wuchä isch nix wirklich interessants passiärt, drum hani ai kei Blogiitrag gmacht. Dur d Wuchä durä isch halt immer sonä Sach, will ai eher weniger eppis interessants passiärt, aber am Weekend hemmer mal wider Gas gäh!

Friitig - Samschtig hend d Kolleginnä und ich Brisbane unsicher gmacht. Friitig abig mal schön chli gah Party machä, will das leider sehr schlächt gaht z Maroochydore (usser am Donnschtig villicht). Falls iär mal uf Brisbane gend und det wend gah Party machä, cha ich iich definitiv Fortitude Valley empfählä. Ein Club nachem anderä. Aso miär hend iiserä Fun gha ;)
Am Samschtig simmer denn gah shoppä. Z Brisbane gaht das eigentlich nu zimlich guät :) z einzigä Problem isch, dases det huärrisch vil Lädä het, wo eifach verdammt tiir sind. Markä-Lädä halt wiä for example Channel, Louis Vitton, Gucci und settigi Sachä halt. Aber äs het natiirlich ai Lädä gha wo miär hend chennä iisers Gäld lah liggä. Aber gliich, z Australiä z läbä, dass isch än verdammt tiiri Sach! Chasch gah wo wottsch allnä Ortä zahlsch verdammt vil. Für äs Wasser zahlsch dahiä eppä $ 2.30! Aber Wasser hends dahiä ai nit grad vil muss mä sägä. Bi derä Hitz chasch ai niit anders erwartä. Uf jedäfall isches very cool and awesome gsi!!! :D

Am Sunntig simmer denn in Australia Zoo… Gott isch das geil gsi det!!! Dr beschti Zoo wo ich je gsi bi bis jetzt! 1. isches huärrisch schön gmacht, 2. sind d Tiär voll genial (Kangoroos, Koalas, Crocodiles, Condors, Tigers, Elephants,…) und zu guter letzt chasch vili Tiär ai streichlä und Fötäli machä. Also falls iär mal ds Australiä sind: highly recommended (höchst empfehlenswert)! Fötäli gsehnt iär uf der Foto-Homepage :)

Jaaaa das wärs denn scho gsi :)

Wish you a nice day!!!

Euer Lindi :)