Huuiiii das isch mal än Roadtrip gsi das Weekend! :D

Wiä ich i miim Facebook-Status scho mitteilt ha, hend some Classmates und ich än Roadtrip gmacht das Weekend. Nit än gfiährti Tour oder so eppis, nei miär sind on our own gangä ;) Chened iich vorstellä wiä das üsächo isch :D

Also ich beginne am Anfang…

Zersch hemmer iis mal alli troffä und iis üfteilt uf diä zwei Aitos wo miär gmiätet hend. After that hemmer denn entschiidä, dass miär richtig Nordä fahret. Äs hend iis zwar alli gseit: „Gend nit üfä, will usser Townsville und Cairns isch da eh niit.“, aber miär hend dänkt, ja gemmer gliich mal gah luägä, miär hend ja 3 Tag derziit (Montag war frei wegen Geburtstag der Queen) wird sicher nu cool :). Ok denn simmer denn abgfahrä und hend derbii iisers Liäd fürä Sprachüfenthalt 2012 gfundä:

OPAN GANGNAM STYLE!!!!

Genials Liäd :D Mender umbedingt mal uf Youtube gah losä ;D Also am beschtä isches, wenn mäh voll Hähnä üftreiet, z Feischter vum Aito abbälaht und denn möglichscht lüt und falsch tut mitsingä, so das alli dänket, gott was sind das für Partypeople??? :D

Uf jedäfall simmer denn irgendwiä mal so 300 Km oder meh in Nordä üfägfahrä. Irgendwo z Maryborough oder wiä ai immer diä Stadt gheissä het, hemmer wellä anä Beach gah und gah surfä. Ufem Wäg det anä hemmer denn äs Infocenter gfundä und hend iis dänkt, ja gemmer doch mal gah fragä, was mä hiä so machä cha und wo uberhaipts der Beach isch. Also simmer innä und hend iiseri Questions gstellt. Der Part vum Weekend isch einä vu dä Highlights gsi würd ich mal sägä :) Sie het iis denn gseit: „Ähm ja aso hiä hemmer eigentlich nit wirklich Beaches oder so. Vu wo sind iär denn?“, „Ja vu Maroochydore.“, „WISO SIND IÄR NIT DET BLIIBÄ???!!!“ :D. Yeahiii genial :)! Also simmer denn mal chli wiitergfahrä und hend nachemä Motel oder Backpackers oder so gsuächt. Leider isch alles vollä gsi und denn hemmer halt gseit, ok denn schlafemer halt im Aito. Am Abig simmer denn imenä Restaurant äs Steak für 10 Dollar gah ässä und denn in Üsgang. Irgendwo hemmer än Party gfundä gha (dank dä fründlichä Australier) und hend denn det mal Party hard gmacht :) Denn simmer de irgendwenn mal ids Aito gah pennä und ich gibä iich än guätä Rat: MACHET DAS NIÄ! Isch sicher mal än Erfahrig wärt gsi, aber äs isch soooo abnormal unbequem! :)

Am Sunntig Morgä isch denn d Frag üftaicht: Wo gemmer gah Zmorgä ässä? Jaaaa mal gah luägä, gemmer mal chli gah umäfahrä und irgendwas gah suächä. Gfundä hemmer schlussändlich nur äs Iichaifszentrum wo miär denn Brot und diversi Sachä für z Zmorgä sind gah poschtä und denn äs Breakfast uf der Motorhübä vum Aito, ufemä Parkplatz, wo diräkt vorem Iigang vu dem Iichaifszentrum gsi isch, verastaltet hend :) D Blick vu dä Liit sind dementsprächend gsi :D. After that simmer denn mit Hilf vumenä Reisefiährer (Buäch) zumenä „ Beach“ gfahrä. Aso äs het Sand gha und äs Meer und Lifeguards, aber sooo u huärrisch geil wiäs i dem Buäch beschribä wordä isch, isches denn doch nit gsi. Miär hend iis denn chli mit Ball spielen usw… vergnügt :). Am speterä Abig hemmer denn nach einigem Suchä än Unterkunft gfundä, sind det gah Znacht machä und am Abig wider i Üsgang. Irgendwiä simmer inerä Tavernä glandet, wos dinnä vil chälter gsi isch as verussä (Diä Australier hend äs abnormals Flair für Klimaalaagä hiä! -.-) :). Diä het denn aber irgendwiä am Morgä am 1 oder so zuä gmacht. Da miär mim Taxi zu derä Tavernä glangt sind, hemmer ai wider so zrugg miässä. Also het d Linda mal mit ihrem Änglisch äs Taxi bstellt :). Nach 15 Min. oder so isch denn plötzlich eis cho. Wiä miär festgstellt hend isches nit iisers gsi, aber dr Taxidriver het gmeint miär siged denn diä nächschtä. Nachemä Wiili ischer denn wider zrugg cho und het wider äs paar anderi iigladä. Denn bini zu ihm anä und ha nä gfragt, ob jetzt nit eigentlich miär dra siged. De het der wider gseit, ja iär sind uf dr Lischtä, aber jetzt nu nit dra und isch abgfahrä. D’ Linda isch denn zimlich gnärvt gsi und het a dem Taxidiänscht aglitä. „Oh I’m so sorry!“ het miär diä Damä am anderä Ändi vum Telefon gseit. Sie heigi iis vollkommä vergässä uf d Lischtä z tuä. -.-. Sie tägi iis aber so schnell wiä möglich äs Taxi schickä. Nach 1 1/2 Stund hemmers denn doch ändlich ai nu gschafft hei z cho! Aber isch gliich än witzigä Abig gsi :D

Hit (Montag) hemmer denn wellä äs Koralläriff gah aluägä (Beschribä vu iiserum Reisefiährer :D). Leider isch ai us dem niit wordä. Äs paar Fötäli sind zwar entstandä, aber leider nur oberhalb vum Wasser. Und was macht än Klass wo nit ganz 100 isch demnach? Ahh ja miär chended ja mal hei fahrä, aber än Routä näh wo chli meh ids Inneri vu Australiä fiährt, so z sägä chli ids Outback :D Ja das isch ja mal än geniali Idee gsi! :D 6 Partypeople, uf 2 Aito verteilt, fahret ca. 5 Stund lang irgendwo z Australiä mim Aito umä :D Haha aso miär sind uf denä Strassä gsi: ÄS GAHT EIFACH GRAD ÜS! :D Miär hend iis fascht z Tod glachet wäg dem :D Zwisched durä isch denn mal wider än Kurvä, oder än chliineri Wohngägend üftaicht, aber das isch denn scho „das höchste der Gefühle“ gsi :D.

Ich muss sägä, z Aito fahrä (wo fascht diä meischt Ziit vum Weekend ii Aaspruch gnu het :D) isch glaibes fascht diä geilschti Ziit gsi. Miär hend mal immer eppis z Lachä gha ;) Uf jedäfall chani jedem wiiterepmpfählä mal ganz spontan z sägä: „Also miär gend jetzt das Wuchänänd mal i diä Richtig. Villicht gfindet miär ja eppis ;).“

Spontan-Aktionä sind immer diä geilschtä Aktionä :D

In diesem Sinne:

Good Night!

Euer Lindi :)