Flug nach Dubai
07/09/12 13:18
Hello everyone!!!
Nachemä härzzerriissendä Abschied vu minerä Family (gäll Bici ;)) sind denn d Daniela und ich ids Flugi iigstigä (Miär sind aschiinend kei Schwärverbrächer gsi, wiä miär am Zoll festgstellt hend ;)). Und was isch passiärt??? Ja klar, d Linda het ä Krisä gschobä!!! Aber nit lang. Ich ha mich de scho abzlänkä gwisst i dem Flugziig innä :D
Diä Innäiirichtig!!! Ich ha ja dervor scho gwisst, dasses i jedem Chopfteil vorädra än Bildschirm dinnä het, wo mä diversi Sachä cha machä, aber dass hätti denn scho nit erwartet! Ä riisä grossi Filmüswahl, Müsig bis zum abwinkä und äs het sogar im Cockpit ä Kamera gha, wo mä vum Sitz üs immer scheen het chennä zuäluägä, wo as mä anäfliigt. Woobii mä nit vil gseh het, wills Nacht gsi isch. Aber ich muss sägä: Cha diä Fluggsellschaft nur wiiterempfählä!!!
Nachemä 6 Stündigä Flug, mit vilnä Verränkigä was ds Schlafä agaht und em Film Men in Black 3 simmer denn doch ai nu z Dubai acho. Am Morgä am 6i isch det ussä ubrigens 34 Grad Celsius!!! Am Morgä friäh scho schwitzä -.- .Uf jedäfall simmer jetzt det am Wartä, dass miär chened uf Brisbane wiiterfliigä. Numal 14 Stund i somenä ängä Flugi innä (Glaibed miär, ich ha d First-Class-Plätz gseh und d Economy-Class isch ä Dräck dergägä!!!).
He also ich melde mich wieder wenn ich z Brisbane bi :).
Ich wünsche euch!
Euer Lindi :)
Nachemä härzzerriissendä Abschied vu minerä Family (gäll Bici ;)) sind denn d Daniela und ich ids Flugi iigstigä (Miär sind aschiinend kei Schwärverbrächer gsi, wiä miär am Zoll festgstellt hend ;)). Und was isch passiärt??? Ja klar, d Linda het ä Krisä gschobä!!! Aber nit lang. Ich ha mich de scho abzlänkä gwisst i dem Flugziig innä :D
Diä Innäiirichtig!!! Ich ha ja dervor scho gwisst, dasses i jedem Chopfteil vorädra än Bildschirm dinnä het, wo mä diversi Sachä cha machä, aber dass hätti denn scho nit erwartet! Ä riisä grossi Filmüswahl, Müsig bis zum abwinkä und äs het sogar im Cockpit ä Kamera gha, wo mä vum Sitz üs immer scheen het chennä zuäluägä, wo as mä anäfliigt. Woobii mä nit vil gseh het, wills Nacht gsi isch. Aber ich muss sägä: Cha diä Fluggsellschaft nur wiiterempfählä!!!
Nachemä 6 Stündigä Flug, mit vilnä Verränkigä was ds Schlafä agaht und em Film Men in Black 3 simmer denn doch ai nu z Dubai acho. Am Morgä am 6i isch det ussä ubrigens 34 Grad Celsius!!! Am Morgä friäh scho schwitzä -.- .Uf jedäfall simmer jetzt det am Wartä, dass miär chened uf Brisbane wiiterfliigä. Numal 14 Stund i somenä ängä Flugi innä (Glaibed miär, ich ha d First-Class-Plätz gseh und d Economy-Class isch ä Dräck dergägä!!!).
He also ich melde mich wieder wenn ich z Brisbane bi :).
Ich wünsche euch!
Euer Lindi :)