Hoppla, wo isch de diä scheiss Ziit anä???!!!

Jetzt isch scho wider 1 Week vergangä, huärrisch krass wiä schnell das gaht. Nu 10 Wuchä und denn heissts de: Ab auf Erkundungsreise in Australien!

Wow, diä Wuchä isch wirklich so brutal schnell vergangä. Wiä ich feschtgstellt han, ha ich immer wider so Afäll vu „z’Änglischä Wort wissä, aber z Diitschä nit“. Cha nu huärrisch miähsam sii, isch aber hoffentlich ai äs guäts Zeichä :) Wenni denn hei chumä, muss ich de zersch wider Swiss German lernä, bevor ich wider mit iich cha kommuniziärä ;)

Nun zu dieser Woche: Ereigniss hets nit soo wirklich vili gäh. Aso am Donnschtig Abig isch mal wider Students Night gsi und natürlich hemmers det wider mal voll lah krachä lah! Mitlerwiilä demmer afä a dä Students vu andernä Länder Swiss German biibringä. Ändi vu ihrem Sprachüfenthalt hend sie denn meh Swiss German anstatt Änglisch glernt :D Mal luägä wiä das üsächund. Nachem Part vu dr Schuäl simmer denn nu ids Friday’s. Das isch än Club in Mooloolaba. Glaibed miär, wenn mä det innä chund, chund mä sich vor, as wär mä imenä anderä Universum! Diä Liit sind agleit dahiä, dass isch abnormal!!! Würd ich blaui 3/4-Hosä, äs rots Träger-Tischi, ä griäni Winterjaggä und Flip Flops aleggä, chend ich grad as Iiheimischi durägah. D Modä hiä isch aso wirklich katastrophal! Und diä Liit sind very strange, aber ja, miär hend mal iiserä Fun gha :D Und wider bini irgendwiä am morgä am halbi 4i Daheimä acho. Gleiche Prozedur wie letztes Mal: Iischalt duschä und denn äs Kaffee ufä läärä Magä abbä am Morgä. Dismal hets chli besser funktioniärt as letscht Mal :) Derfiir isches andernä nit so guät gangä :D Mä het sehr vili schlafendi Students gseh i dr Schuäl (ai i iiserer Klass ;)) Na ja haiptsach geil isches gsi :D

Am Samschtig simmer denn am Abig uf Noosa gangä. Oh my God isch das geil gsi det! Disco, Disco, Party, Party chani nur sägä. Widermal bis am morgä am 5i Party gmacht :) Aber ich gibä iich allnä ä guät gmeintä Rat: Fahred niä mit Saudis hei (Nei ich bi nit ALLEI mit Saudis im Aito ghocket, für diä wos interessiärt oder scho fascht schiss hend, vu wägä: jössäs nei was macht diä da ;)) :D Isch mer nit immer so ganz ghüür gsi wiä diä gfahrä sind. Aber miär sind alli wohlbehaltä hei cho :D Am Sunntig (jetzt grad) hani bis am 4i am Namitag gschlafä (Auch das muss mal sein ;))

Wo ich denn üfgstandä bi hani nu ä chliini Uberraschig ufem Telefon gha :D Mini liäbä Guggäkollegas hend miär uf d Combox gredet :D Haha das sind ja nit diä geilschtä! Miis Schweschterhärzli het sie glaibes agstiftet gha oder so. Kei Ahnig. Uf jedäfall hani än riisä freid gha :D Dankä iich!!! Sind super!!! <3

Ach ja ich ha iich ja alli nu eppis wellä fragä: Ich ha miär mal uberleit, was ich mit derä Homepage chendi machä, wenn ich nimmä z Australiä bi. Leider isch miär niit richtig guäts in Sinn cho.

NOW IT’S YOUR TURN!

Falls irgendepper än guäti idee het, schriibet miär doch äs Mail oder im Fb oder something like this. Ich bi eifach zu unkreativ für settigs :)

So ich beende jetzt mal diesen Blogeintrag.

Wish you something :)

Euer Lindi :D