Bonjour mes amis!!!

Huuiii wer hätte das gedacht!!! 55% hemmer miässä ha im Iistufigstescht und d Linda het 60% gha!!! Bini doch grad ä chli stolz uf mich :D

Hit bini z erschtä Mal mim Bus gfahrä und ich warnä gärn alli vor: Diä fahret katastrophal hiä!!! Das rumplet amä nur so -.-. Uf jedäfall hanis vu mim Home zersch mal id Schuäl gschafft ohni irgendwelchi Katastrophenä. Hei fahrä isch denn wider eppis anders gsi. Isch nu verdammt schwirig diä richtig Bushaltistell z verwitschä, wenn mä sich nu nit so üskännt dahiä. Gseht alles chli gliich üs :) Aber mit Hilf vu dä fründlichä Australier hends d Kollegin und ich de doch ai nu gschafft, derfir simmer denn nacher aber nu uf diä falsch Siitä gluffä. Isch denn äs Müh länger gangä bis miär daheimä gsi sind :D

Apropos fründlichi Australier: Wenn inäs Shoppingcenter gasch und denn i irgend ä Ladä innä, chämeds amä sofort uf dich zuä und säged Hallo, fraget wiäs diär gaht, wiä dii Tag gsi isch usw… da chended sich d Schwiizer nu äs Stückli abschniidä dervo ;)

Und wiä ich feschtgstellt ha isch fischä dr Landessport dahiä. A jedem Eggä wo ä Fluss isch gsehsch irgendeinä fischä. Nix für mich aber ja, jedem das seine heissts amä :)

So ich widmä mich jetzt mim 3. Schuältag und em „lernä“ :)

Have a nice day!!!

Euer Lindi :)